tajzya in urdu

Zabt e tehreer (Ek berabt khyal)

2011-08-27T16:48:00.000-07:00

main aaj likhne se qasir hoon

main likh bhi nahi sakta use

woh warq e zindagi jis par

tumhara nam hi likhna tha mujh ko

woh safha e zeest hasil ho gaya mujh ko

magar zabt e tehreer ka yara nahi baaqi

nahi likhna mujhe woh kuch

jo guzri humare aur tumhare darmyan

khizan k mausamon ki aakhiri shab mein

woh aahon ki sada jo zard patton ko

bahar e nau ka naghma sunati hi rahi

qalam ko shah e jahan mana magar phir bhi

jo kahani thi adhoori woh puri ho nahi paye

nahi likha kabhi humne woh kuch

jo is jeevan k kal chakra main

uljah kar rah gaye kisi faryadi ki manind

sawalon ko uthane ki ijazat bhi nahi mujh ko

jawabon k samundar mein sawalon ki nahi zaroorat

zindagani k qaziye se ab farar hi muqaddar hai

Virtuality

2011-07-30T10:39:00.002-07:00

Tumhen maine kahin dekha hai shayad

wahi qad

wahi gesoo

wahi ada e dilfareb

wahi seerat e dilnawaz

baat ka wahi dhab

usi rafeeq ki phir talash

raat gaye tak tum

hua karti thi mere roobaroo

masael e zeest pe hakeemana

tabsera kia karti thi tum

apne hone ka haqeeqi idrak

tumhen hi to tha !

par aaj tumhen kya ho gya

kyun bhool gaye woh sari baten

aaj mein rehte hue tum ne

kyun use kal bana dia

apne hone ko tum ne

kyun khud hi mita dia

shanakht e khudi nahi?

apne hone ki koi khushi nahi??

aaj tumhen kya ho gya

apni sinf

apni jins

apna mazhab bhi

tumhen yaad nahi

kya tum wahi nahi

jise maine dekha tha shayad?

nahi'

hargiz nahi

main woh nahi hoon

woh meri doosri ID hai !

Ummeed e zindagani

2011-07-30T10:39:00.001-07:00

lahoo rone ke bahane ghar se nikle

khab bahana karne ko chaman se nikle

samajh kar aaghaz e safar ko anjam

hum saath tera khoob nibhane nikle

ghar se kuch door nahi tha maqtal

phir bhi qarya qarya sar ko katane nikle

chaen payen is shehar mein aisi taqdeer kahan

dhoondhne sehra mein aye zindagi' tujh ko nikle

yeh zameen kiski hai kaun jeetega ise

huzur e aql mein zinda sawalon ko talashne nikle

hath shal ho gaye jo ummeed ke diye le kar

aise diyon ko hum phir se jalaane nikle

Nabeena aankhen

2011-07-30T10:38:00.000-07:00

( development k victims k naam)

un mushtael aankhon mein

woh khaab nahi the

jis khab ka wada kar ke

siasi rehnumaon ne

zameen bech di

jo ugalti thi dane

sona chandi ki manind

woh falak bech dia

jis ke saye mein

nangi peeth kisan

karte the aaram

aur parinde gate the

magan tarane

khushi aur azadi ke !

woh aankhen

khoon mein doobi aankhen

jo shahid hain

barbariat ki

zulm ki anginat dastano

ki wahid ameen

woh aankhen jis ne

dekhen hain woh tabnak manzar

k jis mein jalte the ghar

lutti thi ismaten,aur

dhara dhar dhara dhar

girti thi lashen zameen par

woh aankhen amanat hain

un saron ki

jo jhuke nahi

khaki wardi ke aage

jo bike nahi

mal o zar ke evaz

woh aankhen

dekhti nahi hain ab khab

ho chuki hain nabeena

lekin pehchanti hain

apni tareekh ko

jo khab ki had mein nahi

Yeh Zindagi

2011-07-20T12:53:00.001-07:00

Umr k is pahyie pe

zarb kaun lagayega

iski fitri raftar

kaun rok payega

yeh badhti jati hai

poochti kuch bhi nahi

chore jati hai sawal

guzarte salon k qirtas par

yeh mauj e junoo hai

baha le jati hai sath apne

jitne nuqoosh chorti hai

baqi agar kuch bhi rahe

hisab uska kuch bhi nahi

zindagi bikhri hue ek kahani

unwan uska kuch bhi nahi

hasil jo karen zindagi se hum

utaren isi zindagi ka qarz hum

isi zinadagi ki talash mein

kitne mah o saal guzar gaye

kae hijr o wisal guzar gaye

bahaar aaye aur guzar gaye

khizan bhi aaye chali gaye

umr e rafta ka yeh hisab

ab na de paoonga

qissa e zindagi

ab na kah paonga

kae saal hum se choot gaye

anginat qatar mein hain

maut k apne intezar mein hain

Doobti Aawaz

2011-07-03T11:15:00.002-07:00

raat bhi hai aur pura chand bhi

saath bhi hai unka aur baat bhi

saaz bhi hai aur hath mein rabab bhi

hath bhi zinda aur baikhtiyar bhi

halaq mein ghut rahi ek naye awaz bhi

bolti tasweeren hain aur mane ki talash bhi

jism shal hai aur lehraati talwar bhi

dhoondhta hoon rasta aur safar ki aas bhi

maut hai meharban aur zindagi ki chah bhi

khojti hain aawazen bolti zaban bhi

doobte suroon mein hai shayar ki awaz bhi

teri zulf ka aseer hoon aur qaed ki talash bhi

Aasha

2011-07-03T11:15:00.001-07:00

kaale baadlon mein doob kar

aakash ko choone ki aasha

aasman mein bikhre taaron ko

tod kar apna banane ki aasha

udta jaon main bin sahare

is zameen o aasman ko jeene ki aasha

baadlon ke is samundar mein

doob kar khud hone ki aasha

ud rahi hai is faza mein zindagi

is zindagi ko tere naam karne ki aasha

kaale baadlon mein doob kar

aakash ko choone ki aasha

Khooni dharti kare sawal

2011-07-03T11:13:00.000-07:00

abhi aur

kitne nadaron ka khoon behna hai

abhi aur

pakki sadkon ko kitno ka lahoo chatna hai

abhi aur

kitni do sheezaon ko apni ismat k lutne pe rona hai

abhi aur

kitne bapon ko apne jyalon ko ghusal dena hai

abhi aur

kitni boodhi maaon ko kandhon pe uthana hai bojh

abhi aur

kitne muflison ko, bewaaon ko karna hai matam

abhi aur

kitne qanoon k rakhwalon se lene hain zillat k tamghe

abhi aur

sookhi chati liye maaon ko phirna hai dar badar

abhi aur

kitne bachchon ko tadapna hai naye zindagi k lye

abhi aur

kitne tareek raton ko lahoo rona hai

abhi aur

subah e ummeed ki aas mein deewano ko katane hain sar

abhi aur

kitne shayar e waqt ko maut hi maut likhna hai

Ek Raat

2011-07-03T11:12:00.001-07:00

aye meri

jan e tamanna

meri jan e hayat

har raat

jab waqt e safar aata hai

aankh hoti hai bojhal

aur khaab palkon pe utar jata hai

rooth jati ho tum mujhe se

aur chor jati ho sada tanha

aye meri

jan e tamanna

darya e majboori ko karen par

phir tham len hath ek dooje ka

aur dekhen hum phir wahi khab

jise sajaya tha humne hi

doob kar apne junoo mein

bhool kar dono jahan

aye meri

jan e tamanna

meri jan e hayat

apni baton se

apni yadon se

humne tarashe the woh nuqoosh

aaj bhi jo dete hain sada

bulate hain humen

yaadon k us jungle mein

jis mein basti hai

ruh humari aur tumhari

aur jhoomti hai un dhunoo par

jo hijr ki dhoop mein bhi

wisl ki thandi hawa thi

aur ban jati har raat

naghmon ki hasin raat

aye meri

jan e tamanna

chor k tum mujhe

kyun chali jati ho

har raat

TAQDEER

2011-07-03T11:10:00.001-07:00

phenk do mujhe us aag mein

jis se tum darte rahe ho umr bhar

bachate rahe ho sada apna daman

jaise yeh koi aaseb zada naar ho

jo tumhare daman ko gar choo jaye

to zindagi bhar tum doosron ko jalate raho

lekin is tahaffuz ne tumhen dia hi kya hai

choo do tum jo kisi qulubatra ko kabhi

bhasm ho jaye woh aur rah jaye bas raakh

*** qulubatra = cleopatra

Khaab

2011-07-03T11:09:00.000-07:00

Kuch Khaab

Palkon pe sajne k liye hee

paeda hote hain

aur mar jaate hain

apni fitri maut

palak jhapakte hi !!!

Faryaad

2011-07-03T11:08:00.000-07:00

Yahan aahon aur naalon mein

dhali gaye hai woh faryad

jo halaq mein phaans ban kar

zeest ko dard ka khareedar karti rahi

baharon k mausam mein dhoondhti rahi

woh khizan jis se paale ja saken

woh naale aur aahen jo zindagi k qareeb tar the

dhaal kar usko faryad e dil mein

bakhshi gaye hai use ek nae jaan

jo azan e sehar ki manind uthati hai aur sulati hai

bistar e aafiat par unko jo jage bhi hain

aur sote bhi hain karwat badal kar

jo aawazon ko pash pash kar ke

palat dete hain woh waqt jo unke wujood ko

jhinjhorta hai aur rakhta hai unhen muztarib

Nigahban Ujala

2011-07-03T11:07:00.000-07:00

is nagar men main

kis se baat karoon

kise humkalam karoon

kise karoon woh kuch byan

jise sunane k liye meri zaban tarasti rahi

lekin kaun hai behron ki is nagri mein

hungamon k is bazar mein

jo sun sake woh dastan

jo raat ki siyahi se likhi gaye hai

safedi k us qirtas par

jis ke waris suraj se karte hain baten

aur chandni raaton se katrate hue

siyahi talahste hain

ta k tareeki ki dastan ko alfaz mil sake

aur jo padhi ja sake mahaz ujalon mein

tareeki woh jise na jan saken

jo mohtaj ho kisi kiran ka

jo uske wujood k behijab kar de

de sake use woh zaban jo

ujale ki dastaras mein hai

ujala bolta hai aur raat hai goongi

harkat

2011-05-06T02:56:00.000-07:00

gehri chinta mein

sar par hath dare

kisi mufakkir ki tarah

jo takmeel e tehreer se pehle

apna rasta kho chuka ho

aankhen madhoshi mein leen

abdi aaram khojti hue

aur munjamid hath

ek besada paththar ko sil kar rahe the

nadi ki khamosh sathon par achanak

paththar phenk kar

apna izterab us se bant lia

paththar ke wujood se

nadi mein tarengen dor gayein

nadi ba ek waqt harkat aur umang ki dastan sunane lagi

paththar k wujood ne

nadi ko khabi aur neem khabi k darmyan

zindagi ka suboot dia

chinta ko aaram milne laga

paththar ka hona

apni harkat k liye kitna zaroori hai

behisi k darya ko

hiss kaun deta hai

aur doosra paththar hath mein uchalta hua

woh us manzil ki taraf badh gya

aarzoo k geet

2011-05-06T02:54:00.000-07:00

Khushi Ke naghme gaate chalo tum

wafa kee khushboo udate chalo tum

maghmoom saazon ka taar todo

farhat ka paegham unhen dete chalo tum

zindagi ki kathin raahen bhi aasan

agar sath apna hi nibhate chalo tum

yaaron ke gham ka madawa karo tum

paegham e jawedani dete chalo tum

ummed hi se zindagi mein hararat hamare

aarzoon ke tarane sunate chalo tum

Khushi Ke naghme gaate chalo tum

wafa kee khushboo udate chalo tum

la Makan

2011-04-28T12:43:00.001-07:00

zindagi sehra mein safarname ka unwan hai bas

yunhi chalti jaati hai aur udti jati hai dhool

raah mein kuch bhi nahi mahaz weerani ke

aarzoo ki lau bhadkane ko mahaaz sehra ka sarab

weerane se ab uchatti nahi ghabrati nahi tabyat apni

iski sakhti se hi hai hausla jeene ka sara

safar ko takmeel se rakhti hai mahroom yeh ret

aur azm ko banati hai faqat faulad hi faulad

settlement

2010-12-30T23:17:00.001-08:00

Ujaad kar mere dil ki basti

basa liya usne apna

rangeen raaj mahal

aur phir morid e ilzam thahraya mujhe

naashnae ka , kaj adaae ka

jhatak kar hath apna

kaha usne bewafae se

tum nahi ho qabil

dil mein mere rahne ke !

Rafeeq e Raah

2010-12-30T23:15:00.000-08:00

yeh dunya hai zalim aur zalim rahegi

tu rakh is se na koi wasta mere rafeeq

qadam tu badha raah e shaoq mein lekin

na rakh kuch ummeeden mal o zar ki rafeeq

safar hai taweel aur saya nahi koi

mahaz hai bharosa khuda hi se mere rafeeq

jo ruka woh bhi paspa jo jhuka woh bhi zaleel

tu sar utha kar soo e maqtal chala chal rafeeq

Understanding

2010-10-17T00:16:00.000-07:00

ek hi to jumla tha
tum mujhe nahi samjhoge
yeh kah kar usne
apni unglyan chura leen
yadon ka daaman aaj bhi
usi jumle se aabad hai

2010-10-16T13:03:00.000-07:00

hugamon ki is dunya mein
dhoondh raha hoon apna aap
pooch raha hoon wahshat se
kya tumne mujh ko dekha hai?

baarish

2010-10-16T10:24:00.000-07:00

thamti nahi
bin mausam ki barish
daftar mein mahsoor
kaanch ki bheegi khidki pe
chand lakeeren kheench raha hoon
dhundhle dareeche se
zahir kitna ghair yaqeeni lagta hai
theek humare mustaqbil ki tarah

Meri Eid

2010-09-10T10:09:00.000-07:00

nikal hi aaya chand

naweed e subah le kar

aur jalne lage musarrat k diye

galyon mein bachche karne lage shor

har soo hungama hua barpa

shaoq aur arman ki takmeel ki khatir

badhte the qadam

purnoor shahrahon ki janib

har shaoq hua ujale mein zam

aur har noor ne bakhsha mujhe

wahi huzn e qadeem

phir yadon ne bhare daman

zakhmon se

aur murjhae har ek phool

dil e maghmoom le kar phir

chal dia main tareek rahon ki oor

jahan behri khushyon ka

na ho koi shor

Safar e Taweel

2010-09-10T10:08:00.001-07:00

taweel zindagi ki

taweel raahon par

taweel hai hasraton ka qissa

taweel kamranyon ka

taweel silsila

karzaare hayat mein

mukhtasar kuch bhi nahi

mukhtasar bhi taweeltar hai

andheri raaton mein

apni hiqaraton

kasafaton

nadamaton ka

taweel hai qissa

hal se taweel nahi

mazi mein jo pewast hai

hal bhi qaleel nahi

mustaqbil se taweel tar hai

badhti jati hai chak karti hue

adam k saare purde

beniqab hote jate hain

woh jo saare posheeda the

qaleel paemano mein taweel waade

Izhaar

2010-09-10T10:04:00.000-07:00

aaj phir khyal aa hi gya

un wadon ka jo tu ne kiye hi nahi

jo maine sune hi nahi

jo mahfooz the seene mein tere

lekin izhar se aari the

izhar bhi to fitna hai koi

us fun ki tarah jo tamashabeen

ki 'adabi hawas' k liye

bikwata hai us se

uska zameer

lekin majboor ho tum bhi

majboor hain hum bhi

izhar k sahare hee

hum hum hain

aur tum ho tum

fitna e izhar se sarshar hi

banta hai tera aur mera wujood

Hayat e Adam (Adam = non existent)

2010-09-07T17:09:00.000-07:00

(This is in impulsive reaction to a painting of Upendra marathi named 'At the fag end of life' )

chehre pe zaeefi ki lakeeren thi raushan

aur bujha chahta tha zindagi ka shama

hadd e ummeed ko cheer gaye

woh nigah e be aas

toot gaye aaza

sookhi dharti ko takte takte

aur

dharti k jyalon ka lahoo choosne ko

badal bhi kahin aur ja kar

barsa bhar dam

khuda e zameen aur khuda e falak ne

loot lee dehqan se roti uski

bheek mein mil jaye kahin aasaesh e hayat

par takreem se milti nahi

banda e majboor ko maut

Yaum e Taskeen

2010-09-07T17:06:00.000-07:00

(This is impulsive reaction to a painting of Sir Sir Lawrence Alma-Tadema and its named as ' at the close of a joyful day')

aur doob gya

din bhar ka thaka hara sooraj

aur doob gaye

sath uske

aas ki akhiri nabz

aur sham e na ummeed

utri hai dareeche pe mere

le k hijr ki sari yaadein

le k wisl ki sari baatein

aaj subah jo khola

purana album

teri yaadon

teri baaton

teri raaton

se subah ki maine

aur din bhar

teri yadon se

labon ko jawan rakha tha

aur farhat e qalb thi

ummeed e wapsi mein teri

aankhon mein wahi

wisl ki ummeed k

diiye raunshan the

aakhirash sham e firaq

kar gaye basera

aur yaum e taskeen ki shab ho gaye aakhir

sadgi

2010-09-07T17:04:00.000-07:00

yeh kaisa ishq tera hai

yeh kaisi bechargi meri

jo chahon bat karna bhi

zaban tarasti rahi meri

jo chahoon deedar tera to

aankh pathra gaye meri

ek teri yaad ki khushbu

basi hai rooh mein meri

tod doon sare paemane

jisse jhalakti rahi tasweer teri

chaak kar ke lafzon k parde

wujood apna dikhla de hayat meri

main aur tum

2010-07-15T00:04:00.002-07:00

main bhi kho jaon
tum bhi kho jao kahin
bhool jaen
tum bhi the
hum bhi the kabhi
jhoot tha sab
jhoot hi hota hai humesha
sach bhi ek jhoot hai
jhoot bhi ek sach !
tere milan k geet
jo honton pe jawan rakhe hain
apne wisl k khwab
jo palkon pe saja rakhen
us jhoot k bojh se
aankh khulti hi nahi
din hota hi nahi
sach k asrar pe
kholi jo kabhi aankh
toot gya woh khwab
jo sach ki soorat liye
ek jhoot ka qarz tha
uske tootte hi
sach ki kirne lagin pahelne
aur chane laga
phir se
har soo andhera

tera khyal

2010-07-15T00:04:00.001-07:00

mujhe iska kuch nahi pata
k safar hoga khatm kahan
sham dhalegi zindagi ki
tu milegi ya nahi
teri soch se
wisl k khyal se
dhoop bhi chandni lage

rail gadi

2010-07-15T00:03:00.001-07:00

Rail ke dabbe mein sannata
tootta tha kuch der pe
shor se bachchon ki
aur sath hi khwabon ka fusoon
yaadon ki barat
pe lagti thi ek rok
phir khyal aata tha
zindagi is train ki manind
badhti jati hai
ithlati hue'bal khati hue
ek hi safar mein din aur rat
ek hi manzil mein bahar o khazan
kahin pahad koi
tane khada hai seena
kahin nadi behti hai
lehrati hue
jungle ki sham
aur
sarsarati hawa
pahuncha laye hai mujhe
teri yadon ki god mein
khyalon k us muqam pe
har tafkeer ko lagti hai rok
har soch sabit hue bemana
har mantiq mahaz lafzon ka jhol
teri yad k daman se gar nikloon
to ulajh jata hoon phir
daemi un sawalat se
jo chubhte hain humesha
zehar aalood teer ki tarah
k
tu kaun hai?
main kahun hoon?
rishta hai kya
tera aur mera?

bujhe cigarette

2010-07-15T00:02:00.000-07:00

kae bar aaj ki
use honton se
qareeb karne ki koshish
bilaakhir taraste hue honton pe
saj hi gaye ek cigerette
barha
machis jalae
lekin
ek bar bhi
nahi utha koi dhuan
use jalane ki har koshish
hue nakam
theek usi tarah
jis tarah
jalte hue dil pe
baraf ka tukda
nakam!!

Mantiq hai kya?

2010-04-02T04:24:00.000-07:00

Kaha usne ek din

nehayat ehteyat se

k aakhir

alfaz o ma'ani ka

sara khel hai kya?

alfaz o ma'ani k

rishte ka kaun

zimmedar hai ?

maine zara der

soch kar kaha us se

mantiq hi kadi hai

alfaz o ma'ani

k darmyan

usne hairani se

tashkeek k samundar se

sar utha k poocha

meri besood ma'anwi mohabbat ki

mantiq hai kya?

Rang ki jeet

2010-04-02T04:23:00.000-07:00

Shehar ujda hua

sadken sari sunsan

adam hain adam zad

khoon k pyase ek duje k

dukano par lage hain tale

koel sari gumsum hain

patte sare murjha gaye

haewan bhi hain aman k mare

cheekh rahi hai sari dharti

bilak rahe hain sare bachche

pyas k mare taras rahe hain

pooch rahe hain mujrim kaun?

shehar mein aaye fasad ki aandhi

dahal gaye hai aman ki wadi

khel hai sare rangon ka

hara, kesarya ya 'lal'

jeet hue hai 'lal' ki aakhir

Cyber Culture

2010-01-02T10:46:00.000-08:00

Gham e yaran

2009-12-29T04:13:00.000-08:00

wahshat si bhar gya tha mere dil mein woh
maseeha samajh k maine qatil ko dee jagah

andaze dosti pe uske tut k aaya mera dil
lekin zillat naseeb thi,usne ata ki har jagah

zindagi ki haseen sa'aten usi ki yad ka makan
jo mere gham mein shareek tha,jo humsafar tha har jagah

khizan naseeb kar k mujhe chala gya woh shakhs
lekin uski yad ka nishan dhoondhta hoon har jagah

aaye sadae dil k gham hi tera naseeb hai
gham jo wafa ki aag mein jalta hai har jagah

aankhon ki tehreer

2009-11-01T06:17:00.001-08:00

Aankhon mein tehreer thi uski
padhne ki nakam thi koshish

Aankhon mein toofan tha barpa
badal ki zad mein thi sazish

Ek purani yaad ka toofan
weerane mein aabad ki koshish

jugnu the sare nur sarapa
andhyare mein ujyale ki koshish

tehreeron mein doobi aankhen
hungamon mein gumnam ki koshish

sawan aaya toot gaye zanjeeren
aazadi mein maut ki koshish

Aakhiri Tehreer

2009-11-01T06:16:00.002-08:00

likh raha tha woh
Khoon e jigar se ek tahreer
lahoo mein doobi hue
tamannaon,arzoo'on ki
taweel tareekh
nadan tha woh
tamannaon,arzoo'on ki tareekh likhna
hemaqat hai
tamannaon,arzoo'on ki koi tareekh nahi hoti
yeh tehreer likhte likhte
kitne log khud tareekh ho gaye
Kaun samjhata use
Woh to rakh se wuzoo karta
khoon se tehreer likhta
Aaag se wafa karta
Hijr ko wisl samajhta
Ghubar aalood chehra
Pur aaseb raten
uska muqaddar theen
jangalon ki sham jab
raqs karte dareecha tak aati
to woh wajd karta
uski tehreer e khoonchuka
ki takmeel se
shehre jana mein"khushhali" azan dene lagi

yaas (berabt)

2009-11-01T06:16:00.001-08:00

Aaj Jee bahut udas hai
Dil mera beqarar hai
qalam harkat nahi karta
zaban bezaban hai
dunya e dil mein talatum hai
jazbat bekaran hain
aankh chalakne ko betab
quwwat e fikr sard hai
ehsas munjamid hain
rooh muztarib hai
yadon ka ek toofan
mere wujood ka makan
tabdeel kar chuka hai !
koi apna kyun nahi banta
sukoon kyun dil e muztar mein
sukoonat pazeer nahi hota?
hont kanpte rehte hain
mudduwa kyun byan nahi hota
aankh bhari hi rehti hai
chalak kyun nahi jati
sao bar koshish e izhar kar chuka hoon
woh mudduwa khud samajh kyun nahi jate
aaj phir darya e gham mein
khud ko
tanha pa raha hoon
aaj phir nam deedah
apni ghaltian yad karta hoon
shiddat e dard maazi k dareeche kholte hain
maazi hisab ka daftar sath lati hai
maazi dard k khazane bhi lati hai
isliye !
dard aur ehtesab maazi mein pewast hain
dard k baghair ehtesab nahi
ehtesab k baghair dard bemana
aaj wahi dard laut k aaya hai
ehtesab ka bojh sath laya hai
isliye aaj phir jee udas hai

Tajurba

2009-09-06T05:53:00.000-07:00

Zindagi ke tajurbe khah kaise hee hon 'har tajurbe ko 'haq' aur 'batil' mein byan nahi kia ja sakta.Har tajurbe ka bazahir mana nikal aaye yeh bhi zaroori nahi.lekin tajurbe ka idrak zindagi ke safar ko dilchasp aur qeemti bana deta hai.baz dafa hum zindagi mein un tajurbon ko mahsoos karte hain jis ke liye na aql tayyar hoti hai na hi tawaqqo ke kisi goshe mein us k liye jagah hoti hai.lekin yehi tajurbe zindagi mein haseen shamen jala dete hain.aise hi kisi tajurbe se zindagi ko ek naya mod milta hai.hayat e bemasraf manwe'at se bahramand hoti hai.

Zindagi agar tajurbe ka doosra nam hai to har lamha us mein ezafa hee ho raha hai lekin haye afsos k log apne tajurbon ka idrak nahi rakhte. Aur tajurbe se murad wahi shae hoti hai jo achche aur bure ki shakl mein zahir ho.Agar waqae zindagi mein tajurbe se bahar aati hai to kya tajurba hamesha "hadse" ki shakal mein roonuma hota hai.Har giz nahi! tajurba to sirf un lamhon ka ehsas hai jis mein insan zindagi bashaoori k aalam mein guzare.tab shayad usko yeh ehsas bhi ho k sans lena bhi ek tajurba hai.lekin dunya mein paeda hue latedad insano mein se bahut kam zindagi shaoor ke aalam mein guzarte hain.aur jab use lashaoori mein koi "hadsa" shaooor ka ehsas dilata hai to insan use tajurbe mein shumar karne lagta hai.

KHUSHHALI

2009-08-31T14:53:00.000-07:00

ek budhya jo udas bethi hai

kya sabab hai uski udasi ka

yahan to sarkar sab ko paisa deti hai

gaon mein ab koi bhi bhooka nahi hai

bhedyie bhi aur bakri bhi

lallan,kallan aur munna

sab mobile se khelte hain

dunya bhar mein baten hoti hain

sadak bhi pakki hai

aur dil bhi pak gaye hain

rozgar ki anokhi schemen hain

koi bhi bhooka na rah jaye

lekin gaon mein ab

bhedyion ko bhi mulazmat mil gaye hai

lekin ab bhedyie bahut baikhlaq hain

yeh sarkar k bhedyie hain

khushhali lane mein in ka bhi ta'wun hai

jadeed bhedyie sham ko wapas chale jate hain

aur sath mein apne ek ladki le jate hain

yeh unki sarkari khoorak hai

aaj budhya ki dono beti khorak banne wali hai

is liye budhya udas baithi hai

lash aane wali hai !

taraqqi hone wali hai !

faryad e tanhae

2009-08-29T09:22:00.000-07:00

منزل عشق میں وہ مقام آجائے۔۔۔ جہاں اپنا درد بانٹنے کے لئے اپنے سائے سے التجا کرنی پڑے، جو خود اس درد سے پیچھا چھڑا کر کہیں دور نکلنے کی
سوچ رہا ہے۔۔۔ تو خود سے ہمکلامی اجنبیت کا معراج ثابت ہوتی ہے۔
ہائے افسوس کے ہم اس مقام سے کس قدر قریب آگئے کہ
سائے کو دور جاتا دیکھ بھی، فریاد و فغاں گلے میں گھٹ رہی ہے۔ سائے کی آزادی پر رشک اور اپنے وجود پرحیرت بے مایہ۔۔۔۔۔۔۔۔۔۔
تلاش، جستجو، طلب کی تعبیر محض درد ہی ہو تو کیا کیجئے۔۔۔
لیکن جو درد جستجوئے عمر کی تعبیر ہو اسکے ناز اٹھانا سب سے بڑی
سعادت ہے۔۔ تنہائی سراپا درد ہے اور درد سراپا تنہائی۔۔ تنہائی ہنگامہ آرائی سے نکل کر لذّت درد سے قریب کرتی ہے اور درد مسائل زیست سے دریافت خودی کی طرف متوجّہ کرتا ہے۔۔
تنہائی تاریخ میں لیجاتی ہے اور درد تاریخ لکھ جاتی ہے۔
جب وجود ذات دوسروں کی مرہون منّت لگنے لگے تو تنہائی کی تلاش
اور درد کا احساس سب سے قیمتی متاع بن جاتی ہے۔۔۔
ساحل کے کنارے وہ انھی دو چیزوں کی تلاش میں آیا تھا۔۔
ریت پر تحریر، درد اور تنہائی کے کسی خاص رشتے کو بیان کرتی ہے۔۔۔
وجود کسی ایسی شئے کے سامنے اچانک آجائے جہاں فنا دور تک
محسوس نہ ہوتی ہو، تو زندگی کی ایک نئی تاویل سامنے آنے لگتی ہے۔۔
سمندر کے کنارے کھڑے ہوکر وہ اسی تاویل کو تلاش کرتا۔۔
لیکن جہاں تاویل صرف درد ہو اور درد لافانی۔۔
تو ہر تاویل بے معنیٰ بن جاتی ہے۔۔وہ ریت پر وہی تحریر لکھنے لگا کہ اچانک۔۔۔۔۔
اسنے اپنے آپ کو مخاطب کیا--
"ریت سے درد بانٹنے کا کیا فائدہ؟؟"
موج تیز رفتہ کی آمد سے تحریر مٹ گئی۔۔لیکن وہ تحریر کہاں تھی، وہ درد تھا۔۔۔
ریت سے درد بانٹنے کا یہی تو فائدہ ہے اسکا مٹانا بھی آسان اور لکھنا بھی۔۔۔

2009-03-25T17:51:00.000-07:00

Tehzeeb O Saqafat : Kuch bunyadi bahsen

2009-02-22T01:52:00.000-08:00

GAZA:bebasi aur barbaryat ki amajgah

2009-02-19T20:56:00.000-08:00

Media,mumbai hamla aur dahshat gardi

2009-02-19T20:47:00.000-08:00

Taraqqi pazeer hindusan ki tashweeshnak surat e hal

2009-02-19T20:44:00.000-08:00

Hind - America nuclear deal

2009-02-19T20:37:00.001-08:00

Phir tum kidhar ja rahe ho

2009-02-19T20:33:00.001-08:00

Iraq jung ke char saal

2009-02-19T20:27:00.000-08:00

shiddat pasandi ka musharrafi formula

2009-02-19T20:23:00.000-08:00

Indo - US neclear deal - An overview

2009-02-19T20:08:00.001-08:00

America - Iran conflict

2009-02-19T20:01:00.001-08:00

tajzya in urdu

Zabt e tehreer (Ek berabt khyal)

Virtuality

Ummeed e zindagani

Nabeena aankhen

Yeh Zindagi

Doobti Aawaz

Aasha

Khooni dharti kare sawal

Ek Raat

TAQDEER

Khaab

Faryaad

Nigahban Ujala

harkat

aarzoo k geet

la Makan

settlement

Rafeeq e Raah

Understanding

baarish

thamti nahibin mausam ki barishdaftar mein mahsoorkaanch ki bheegi khidki pechand lakeeren kheench raha hoondhundhle dareeche sezahir kitna ghair yaqeeni lagta haitheek humare mustaqbil ki tarah

Meri Eid

Safar e Taweel

Izhaar

Hayat e Adam (Adam = non existent)

Yaum e Taskeen

sadgi

main aur tum

tera khyal

rail gadi

bujhe cigarette

Mantiq hai kya?

Rang ki jeet

Cyber Culture

Gham e yaran

aankhon ki tehreer

Aakhiri Tehreer

yaas (berabt)

Tajurba

KHUSHHALI

faryad e tanhae

Tehzeeb O Saqafat : Kuch bunyadi bahsen

GAZA:bebasi aur barbaryat ki amajgah

Media,mumbai hamla aur dahshat gardi

Taraqqi pazeer hindusan ki tashweeshnak surat e hal

Hind - America nuclear deal

Phir tum kidhar ja rahe ho

Iraq jung ke char saal

shiddat pasandi ka musharrafi formula

Indo - US neclear deal - An overview

America - Iran conflict

thamti nahi
bin mausam ki barish
daftar mein mahsoor
kaanch ki bheegi khidki pe
chand lakeeren kheench raha hoon
dhundhle dareeche se
zahir kitna ghair yaqeeni lagta hai
theek humare mustaqbil ki tarah